ಭೂಮಿಯನ್ನೇ ಸುಡಬಲ್ಲ ಪರಮಾಣು ಬಾಂಬ್

 
ಪರಮಾಣು ಬಾಂಬ್ (ನ್ಯೂಕ್ಲಿಯರ್ ಬಾಂಬ್) ಪರಮಾಣು ವಿದಳನ ಹಾಗೂ ಸಂಶ್ಲೇಷಣಾ ಕ್ರಿಯೆ ಮೂಲಕ ವಿಧ್ವಂಸ ಮಾಡುವ ಮಾರಕ ಅಸ್ತ್ರ. ಅದು ಸಮೂಹ ನಾಶಕ ಅಸ್ತ್ರದ ಗುಂಪಿಗೆ ಸೇರಿದೆ.

ಸಾಮಾನ್ಯವಾಗಿ ಬಳಸುವ ಭಾರಿ ಸಾಂಪ್ರದಾಯಿಕ ಬಾಂಬ್ಗಳಿಗಿಂತಲೂ ಒಂದು ಚಿಕ ಪರಮಾಣು ಬಾಂಬ್ ಹೆಚ್ಚು ನಾಶ ಮಾಡುವ ಶಕ್ತಿ ಹೊಂದಿದೆ. ಒಂದೇ ಪರಮಾಣು ಬಾಂಬ್ ಮೂಲಕ ಒಂದು ಇಡೀ ನಗರವನ್ನೇ ಧ್ವಂಸ ಮಾಡಬಹುದು!

ಇತಿಹಾಸದಲ್ಲಿ ಈವರೆಗೆ ಎರಡು ಬಾರಿ ಮಾತ್ರ ಪರಮಾಣು ಬಾಂಬ್ಗಳನ್ನು ಬಳಸಲಾಗಿದೆ. ಎರಡನೇ ಜಾಗತಿಕ ಸಮರದ ವೇಳೆ 1945ರಲ್ಲಿ ಅಮೆರಿಕ ಜಪಾನ್ ದೇಶದ ಹಿರೋಶಿಮಾ ಹಾಗೂ ನಾಗಾಸಕಿ ಪಟ್ಟಣಗಳ ಮೇಲೆ ಪರಮಾಣು ಬಾಂಬ್ಗಳನ್ನು ಪ್ರಯೋಗಿಸಿತ್ತು. ಅದರಿಂದಾಗಿ ಸತ್ತವರು ಲಕ್ಷಾಂತರ ಮಂದಿ. ಅಂಗವಿಕಲರಾದವರು ಅಸಂಖ್ಯಾತ. ಪರಮಾಣು ವಿಕಿರಣದಿಂದ ಆ ಇಡೀ ಪ್ರದೇಶ ರೋಗರುಜಿನಗಳ ತವರಾಗಿ ಜನರು ಬದುಕಲು ಸಾಧ್ಯವಿಲ್ಲದ ಪರಿಸ್ಥಿತಿ ಉಂಟಾಯಿತು.

ಅದಾದ ನಂತರ ಈವರೆಗೆ ಸುಮಾರು 2000 ಬಾರಿ `ಪರೀಕ್ಷೆಗಾಗಿ' ಪರಮಾಣು ಬಾಂಬ್ಗಳನ್ನು ಅನೇಕ ದೇಶಗಳು ಸ್ಫೋಟಿಸಿವೆ. ಅಮೆರಿಕ, ಸೋವಿಯತ್ ಒಕ್ಕೂಟ, ಬ್ರಿಟನ್, ಫ್ರಾನ್ಸ್, ಚೀನಾ, ಭಾರತ, ಪಾಕಿಸ್ತಾನ ಹಾಗೂ ಉತ್ತರ ಕೊರಿಯಾ ಈವರೆಗೆ ಪರಮಾಣು ಸ್ಫೋಟ ಪರೀಕ್ಷೆ ನಡೆಸಿರುವ ದೇಶಗಳು. ಇತರ ಕೆಲವು ದೇಶಗಳ ಬಳಿ ಪರಮಾಣು ಬಾಂಬ್ ಇದ್ದರೂ ಈ ವಿಷಯವನ್ನು ಅವು ರಹಸ್ಯವಾಗಿ ಇಟ್ಟಿವೆ.